Pakistani

شیخ سعدی رحمتہ اللہ علیہ کا قول ہے ” اس سے دڑو جو تم سے ڈرتا ہے”

ہمیشہ جاہل عالم سے، بے وقوف عاقل سے، نااہل قابل سے اور کم چور محنتی سے ڈرتا ہے اور ہر وقت اسے نقصان پہنچانے کے لئے موقع کی تلاش میں رہتا ہے اور جیسے ہی اسے موقع ملتا ہے خوفزدہ بلی کی طرح اپنے سے بہتر کو نقصان پہنچانے کے لئے کاری ضرب لگانے کی کوشش کرتا ہے اس دوران وہ اخلاقیات و اقدار کو پامال کرنے میں کوئی عار نہیں محسوس کرتا۔

آجکل ہمارے ملک میں اسی ڈر کا بہت عمل دخل ہے۔ سیاستدان مشرف سے، مشرف سیاستدانوں سے اور عوام مہنگائی سے ڈر رہے ہیں۔

اسی ڈر نے عدالت کے حکم کے باوجود نواز شریف کو ملک بدر کر دیا۔

اسی ڈر کی وجہ مشرف بے نظیر ڈیل نوے فیصد سے واپسی زیرہ پر آ گئی۔

اسی ڈر نے مشرف کو ایک بار پھر چوہدری برادران کا سہارہ لینا پڑا۔

اسی ڈر کی وجہ سے سیاسی گرفتاریاں عمل میں آ رہی ہیں۔

اسی ڈر کی وجہ سے مشرف کو یہ اعلان کرنا پڑا کہ وہ صدارتی الیکشن کے بعد وردی اتاریں گے۔

یہی ڈر ہر محب وطن پاکستانی کے ذہن میں چھایا ہوا ہے جو پاکستان کی موجودہ صورتحال سے پریشان ہیں نجانے ڈر اور خوف کے سائے کب ہمارا پیچا چھوڑیں گے اور کب ہم بے خطر اور آزاد فضا میں سانس لے سکیں گے۔

Random Posts

• میرا، آپ کا اور ہم سب کا پاکستان
• پاکستانی ٹی وی
• برائیوں کی جڑ نجد یا عراق
• حبیب جالب
• کون ہوں میں؟